காய்கறியில்லாத சமயம் இதுபோல ஒரு கிரேவி செய்தாலே போதும், இதுல 15g புரோடின் இருக்கு, இதோட கலோரின்னு பாத்தா 305 தான். இந்த சோயா சங்க்ஸ் கிரேவி சப்பாத்திக்கும். சாததுக்கும் ரொம்பவே சூப்பரா இருக்கும்.
தேவையான பொருட்கள்:
- வேக வைத்த சோயா சங்க்ஸ் – 20 கிராம்
- துருவிய தேங்காய் – 25 கிராம்
- பெருஞ்சீரகம் – ¼ டீஸ்பூன்
- மிளகு – ¼ டீஸ்பூன்
- சீரகம் – ¼ டீஸ்பூன்
- இஞ்சி – 1 துண்டு
- பூண்டு – 3 பல்
- தேங்காய் எண்ணெய் – 1 டேபிள்ஸ்பூன்
- வெங்காயம் – 1 (பொடியாக நறுக்கியது)
- பச்சை மிளகாய் – 1 (பொடியாக நறுக்கியது)
- தக்காளி – 1 (பொடியாக நறுக்கியது)
- உப்பு – தேவையான அளவு
- மஞ்சள் தூள் – ¼ டீஸ்பூன்
- மிளகாய் தூள் – ½ டீஸ்பூன்
- கரம் மசாலா – ½ டீஸ்பூன்
- கொத்தமல்லி – சிறிதளவு (பொடியாக நறுக்கியது)
செய்முறை:
- ஒரு வாணலில் தண்ணீர் ஊற்றி, சோயா சேர்த்து வேக வைக்கவும்.
- இன்னொரு வாணலில் துருவிய தேங்காய், பெருஞ்சீரகம், மிளகு, சீரகம், இஞ்சி, பூண்டு சேர்த்து வறுத்து, பேஸ்ட்டாக அரைத்து வைத்துக் கொள்ளவும்.
- ஒரு வாணலியில் தேங்காய் எண்ணெய் ஊற்றி சூடானதும், சீரகம் சேர்த்து தாளிக்கவும்.
- வெங்காயம், பச்சை மிளகாய்,தக்காளி,தேவையான அளவு உப்பு சேர்த்து வதக்கவும்.
- மஞ்சள் தூள், மிளகாய் தூள், கரம் மசாலா,வேக வைத்த சோயா சங்க்ஸ் சேர்த்து நன்கு வதக்கவும்.
- தேவையான அளவு தண்ணீர் சேர்த்து கொதிக்க விடவும்.
- கொதித்ததும், அரைத்து வைத்த தேங்காய் பேஸ்ட் சேர்த்து நன்கு கொதிக்க விடவும்.
- இறுதியாக, கொத்தமல்லி தூவி இறக்கவும்.
பரிமாறவும்:
இந்த கிரேவியை சப்பாத்தி, இட்லி, தோசை போன்றவற்றுடன் பரிமாறலாம்.
Total Macro
Protein: 15 g (26.95%)
Carb: 22 g (41.06%)
Fat: 17 g (31.99%)
Fiber: 11 g
Calories: 305
Leave a Reply